GOT7、TWICE師弟!平均12歲的的小鮮肉男團BOYSTORY

成日聽人講話做練習生要由細細個做起,估唔到依家嘅男團年紀愈嚟愈細,由韓國王牌經紀公司 娛樂簽下嘅全新男團,由6位平均年齡12歲的男孩組成,近日就推出首支單曲MV《HOW OLD R U》,引起網民熱列討論!

首先要講下呢隊萌爆嘅男團係點嚟,講起打造出人氣天團2PM、miss A、GOT7、TWICE嘅「韓國天團製造機」王牌經紀公司娛樂,大家都唔陌生,最近就透過大陸選秀節目《怪蜀黍來了》發掘海內外有潛力嘅偶像新星,最後選出六名只有12歲嘅最強新人──涵予、鑫隆、澤宇、梓豪、明睿、書漾,組成華語樂壇史上最可愛嘅少年男團

唔好睇呢隊個個都年紀咁細,實則每一位跳起舞上嚟都似模似樣,團員們用咗1個月的時間去韓國練舞並拍攝MV,搭配亞洲知名設計團隊打造的hip hop造型,無論係rap定唱歌都有型有款,你哋又有freestyle嗎?(小編表示自愧不如)

而呢首MV就係正式出道後嘅首發單曲《HOW OLD R U》,由Wonder Girls、2PM、2AM、miss A、GOT7嘅國際知名音樂團隊打造,節奏感十足,期待佢哋之後嘅發展呢!(希望佢哋變聲後依然歌聲動聽~)

圖片來源:環球、