《軍艦島》後日上映！蘇志燮經典作品回顧

後日（8月10日）就上映嘅《軍艦島》  ，仲未上映已經令觀眾十分期待，除咗男神宋仲基之外，片中另一男神蘇志燮又重新引起大家嘅關注～（小編忠粉加一）其實喺拍呢部電影之前，1995年就以模特兒身份出道嘅蘇志燮喺劇集方面都演出過唔少角色，令人留下深刻印象，唔知大家心目中最經典嘅又係邊套？（未睇嘅快啲去追返！）

1. 《天橋風雲》（1997年）

劇集講述韓國時裝界耀眼吸引嘅風光背後，服裝設計師和企業之間明爭暗鬥嘅現實故事，是蘇志燮參與拍攝嘅第一套作品，飾演女主角嘅弟弟—宋慶哲，正式踏入演藝圈。

2. 《對不起，我愛你》（2004年）

蘇志燮飾演的車武赫剛出生就被父母拋棄，回韓想向母親和弟弟報仇，後來愛上了宋恩彩（林秀晶飾）想放棄報仇，卻因為腦中曾中彈嘅彈片威脅住佢嘅生命。整部劇集超催淚，眼淺的女生建議唔好睇啊～（小編已中伏）

3. 《一號國道》（2010年）

該劇係紀念韓戰爆發60週年的電視劇，蘇志燮飾演嘅李莊雨出生於貧農之家，係軍士出身的軍官，故事講述喺戰爭突然爆發下愛情與友情嘅故事，劇情寫得相當唔錯啊！

4. 《幽靈》（2012年）

劇集講述喺電腦背後隱藏的虛擬搜查隊打擊網絡犯罪的過程之中，揭發螢幕背後恐怖嘅一面和被掩蓋的事實，蘇志燮飾演外表冷淡嘅警察廳虛擬搜查隊隊長，查明事情嘅真相，蘇志燮喺呢套劇只能用一個字形容：帥！

5. 《主君的太陽》（2013年）

呢套劇集我諗大家都唔陌生，故事講述可以見到鬼嘅太恭實（孔孝真飾）和守護喺佢身邊的男人—朱中原（蘇志燮飾）之間的故事。蘇志燮扮演百貨公司社長嘅角色，劇中服裝非常百變，熟男以及帥氣大叔形象令人印象深刻！

6. 《Oh My Venus》（2015年）

鍾意甜甜蜜蜜劇情嘅必追呢套，劇情講述申敏兒飾演曾經美麗、卻爆肥到77公斤嘅律師，遇到帥氣健身教練蘇志燮後開始減肥，進而發展出一段浪漫嘅愛情故事，睇完只能嘆一句……點解主角唔係我！

圖片來源：劇集截圖及網絡圖片