LV迷必去 韓國LV展覽會(期間限定)

近年韓國多左好多大品牌舉辦展覽會,而且都在東大門DDP。之前去過CHANEL的歷史展,睇到好多珍藏,今次LOUIS VUITTON來韓,而我又係品牌粉絲,當然不能錯過!

鬼怪OPPA孔劉都有參加開幕儀式 (圖片來源:互聯網)

 

喜歡一個品牌不是表面,這些歷史悠久的brand,多了解它會令你更深深著迷。今次LV在首爾的展覽,是有關出遊:飛行,航海,旅遊。LV本人由1835年開始學做box maker,1854年開始有自己第一間皮箱店,今次展覽就有好多早期LV的皮箱,手提包,飛行用手提包等這些珍貴展品。

 

(圖片來源:互聯網)

 

展覽費用全免,可以網上先預約或onsite walkin,分兩條隊。展覽會到黃昏6點半為止,最晚6點入場,我去了2次朝聖都是差不多5點到,無預約還是ok的,多等一會兒吧,1小時都夠你逛完整個展覽。

DDP都幾大,記得找Hall A1,門口就見大大個展覽廣告牌,好多人拍照打卡,包括我,哈哈。

場內隨意拍照無阻礙,就是不要和包包們太近距離,保安好多,會周圍巡視。我拍video到差不多最後有保安說不能拍video,但都是最尾了,所以無理會他。

 

建議大家不要被第一個場館就止住了腳步,後面是有好多東西看的,拍照位也多,例如主題大飛機,都可以影張打下卡。

有個亮點位是尾段有位在LV工作了42年的手提箱工匠,會現場製作香水箱,旁邊有韓文翻譯員,原來全人手製作一個箱子要整整一週!而黏合手提箱的膠水,都是LV自家用全天然成分製作的,現在知道包包貴在哪裡嗎?

我有幸問了條問題,就是怎樣保養LV箱子和手袋。工匠答了近5分鐘,解釋後,最後的答案是拿回LV補修,我哭笑不得,不過他說有客人拿回100年前的LV手袋去保養的。

 

今次展覽韓國KAKAO FRIENDS和LOUIS VUITTON合作,推出了poster、batch、貼紙、行李牌等會場限定product。價錢當然是LV價,如貼紙8張,無LV時約HK$50,有LV就升價到26000won 約HK$180;batch要89000won約HK$600,入不入手見仁見智了。

 

 

場內限定商品

 

好靚但好貴!

 

 

臨走會送你每人一張KAKAO TALK emoticon 卡,有用KAKAO TALK的朋友一定好開心呢!

 

 

展覽會開放日期:

2017年6月8日至8月27日

時間:

周日至周四:10:30am - 6:30pm  (6pm最遲入場)

周五、六及公眾假期:10:30am - 9pm (8:30pm最遲入場)

 

地址:東大門DDP廣場(韓國地鐵東大門歷史及文化公園站1號出口)