｜旅遊．韓國SHOPPING｜非一般潮流雜貨聖地，血拼弘大BUTTER！

很想念韓國的生活啦！

上次回韓的時候，因為忙著代購的事宜，一直忘記想向大家介紹上年年尾才開業的潮流雜貨店——BUTTER！：）
呢間「牛油」雜貨店，你可以用平價版FRANCFRANC，貴價版12 蚊店黎形容！
首先當然係講HOW TO GO 啦！

易搵到不得了！坐地鐵在弘益大學站1號出口就到！

其實呢個商場係新開架！
上面有電影、食店，地面仲有間時裝店叫「SHOPPEN」呢！入面當然有好多好平、靚、正既ITEMS買啦，不過今次我都係介紹返BUTTER「牛油」雜貨店先！箭咀一指示的位置就係架啦！

如果你係直接坐地鐵既話，行到1號出口就可以見到呢3個好肉酸既「麻甩仔」，你就知道一定無行錯！XDXD

入面真係好多唔同類型既貨品出售！文具啦！精品啦！你睇真係有勁多女仔血拼中，我諗你依家問佢地「媽媽貴姓」，我諗……佢地唔會識答！

又會有唔同類型既生活家具，枕頭、TOTE BAG、廚具等等！只係睇DISPLAY都已經覺得好正！

而且有D仲好搞笑！開瓶器、MEMO紙、DOOR STOP、磁石等等……都係KAI到暈！

可愛造型的精品，尤其係粉紅色女仔當然唔會放過啦！

食物、盆栽、家具及CUSHION！應有盡有！真係買禮物俾朋友又得，買手信返香港又好抵！
可以將成個BUTTER既貨品買晒返屋企用啊！

行一個圈已經可以令成個人開心晒！價錢由幾百WON至1萬WON左右，平到無朋友~真係買下買下就可以大出血啊！

當然BUTTER定期都有主題CORNER！
剛剛既情人節，以及最新既「Je t'aime」(即我愛你的意思)真係好正！

NicNic自己一個行足足可以逛半個鐘以上，我真係唔敢諗同一大班朋友shopping可以行幾耐……XDXD

如果去開弘大既朋友，唔好次次都只係去行8、9號果邊，1號都有好地方！總之以後去弘大，識行一定去埋BUTTER啊！

地址：首爾市麻浦區弘益大學站(239)1號出口位置
營業時間：早上11點至晚上11點
WEBSITE：http://buttershop.co.kr/(部份圖片來源)