通仁市場醬油炒年糕　必吃！

行完景福宮，順道逛一逛通仁市場。大約走十五分鐘，就到了。

這裏是一個傳統市場，地方不大，最出名的是「伴菜」，也有中藥、各種食品、南北雜貨等。

而通仁市場另一特別之處是可以吃這個伴菜自助餐。在市場中間的這個客服中心的ｃａｆｅ買票，就會可以在樓下的店舖，換取同等價值的伴菜，再到ｃａｆｅ加2000won 可以跟埋飯同湯添！

所謂的伴菜（반찬），即係大家平時去韓國餐廳食飯呢，除左泡菜之外，咪好多細細碟o既小菜o既，有ｄ係炒下菇，又或係煎蛋卷、炸物、魚仔乾、醬墨魚…諸如此類，o個d就係伴菜喇~

韓國人普通一餐家常便飯，就咁伴菜加飯就算架喇，好少大魚大肉。活在赤貧之下的阿妙，其實平時都係餐餐食伴菜撈飯，真係…食到厭呀！所以今次，我要食第二樣～～～嘻~

拿~就係哩間喇，網友勁讚，來到通仁市場必食的店！～電視台也來採訪過呢～門口最多人o個間就係喇~

因為沿路有幾家類似的小食店，所以大家務必要認住這個卷髮阿豬媽啊～

這家的炒年糕，是阿妙吃過最好味的！實在沒有誇大，他的確是與別不同，炒年糕辣和不辣兩種口味。辣的是用自家秘製辣醬乾炒，不辣的是用韓式豉油炒。年糕比市面的幼身，乾炒的做法令其質地變得外脆內軟的，而家諗返起都想食呀～～～

炒年糕一人份3000won，還有其他小吃如血米腸、綠豆餅等。

通仁市場
地址：서울시 종로구 통인동 44 （首爾市鍾路區通仁洞44）
電話：(82)02-722-0911
網址：http://www.tonginmarket.co.kr
前往方法：地鐵景福宮站２號出口，步行十五分鐘。

顯示詳細地圖

歡迎瀏覽阿妙的Facebook「阿妙韓國食記」，每日update啊!!