想溝韓仔?請先閱讀這篇「關於韓國男人(1)」

一年多前,阿妙來到韓國,其中一個最重要的目的是,想找個男人結婚生仔!~hahaha~~但一年過去了,發現其實並不很好,最多只是外表身型比較突出而已。然而,因為被韓劇長期薰陶的關係,不少香港女生都夢想自己可以嫁過來韓國,並透過網上、手機apps識韓仔。今日阿妙想講下,的一些特質,讓大家在發展感情時,可以了解這些文化差異,小心交友。

的特質:

1.乜都要快,相識、互相了解、表白、拖手,佢地都想盡量用最短時間去完成。於是,很多時,相識當日已經會問你「不如做我女朋友」,拍拖一兩日就會問你「不如我地去Motel 好唔好」。無論他們是好人還是壞人,性格本身也是如此急進。

2.行為好突然,不能用常理去理解。他們可以,昨天還是好地地的,今天同你say goodbye 話唔鍾意你;原本每日都講電話,突然有一日玩失蹤,完全唔打比你唔覆message,幾星期之後又會突然出現當乜事都冇發生過;今日鍾意哩個,總日突然唔鍾意,之類。

3.很進取,他們明白,想得到就要自己爭取,鍾意就去追求,所以如果他們對你有意思,攻勢可以是非常煩、強勁、令人招架不住的。他們不介意用任何方式去識女仔,所以網上搵女朋友非常普遍,這也是為何咁多港女台女都有個韓國的原因。

4.有很多韓國朋友都講過,有好一部份的的思考方式,是「先上床後交往」。所以識幾日就要求發生關係這情況是相當普遍的(就連有朋友到慶熙學韓文,第一堂老師就這樣提醒各位女同學!)。

5.當你以為,佢帶你見阿媽,帶你見朋友,就等於肯定你女朋友的地位,那就錯了!在我所認識的朋友當中,見晒佢所有屋企人好朋友,不到幾個月話分手就分手的為數亦不少。只有當這個男人在中秋、新年或者係阿爺擺八十大壽時帶你出席介紹比人識,先真正視你為結婚對象。

6.真正非常大男人、會打女人的那種韓男,不常見,但骨子裏他們還是有點大男人的,例如,他們喜歡老婆留在家洗衫煮飯湊仔,不要求老婆出去搵野做,食飯唔使女朋友比錢,會花錢買禮物比女朋友,這是因為,他們覺得「我係一個男人,唔使女人做哩d野」。對我地女生來講,幾好丫~haha~(所以真係好多嫁過來的港台女性自此成為少奶奶,越南新娘嫁比農村韓男o個d除外)

7.如果到35歲都冇拍拖、未結婚,係會被歧視的。首先大家會覺得佢地有問題所以先搵唔到老婆,其次在公司,上司會覺得佢地冇自己o既家庭即係能力有問題,升職都會升個有家室o既男人先。

8.韓國女人,最不喜歡獨子和長子,因為他們一般在結婚之後都要跟父母同住,大時大節又要幫手煮野食祭祀一腳踢等等。

9.他們絕大部份喜歡食煙同飲酒,十幾廿度的燒酒佢地會成打成打咁飲,亦鍾意同朋友、同事「會食」飲酒吹水。哩兩樣野都係阿妙最憎~haha~

10.韓男一般都係工作好忙,朝九晚七、八,放工仲要同上司同事飲酒,周末又可能太累全日睡眠,有好多籍口唔理個女朋友。

11,正常的韓男,都會揀韓國女人做女朋友/老婆,因為佢地唔識英文,亦好驚講英文。所以,如果真係好想嫁來韓國,就先要學好韓文。又或,去外國讀書識個會講英文的韓仔,這樣會比較容易開花結果。

12.韓男會聽父母話,父母唔鍾意o個個女仔,就一定冇得入門。而大部份的長輩,都唔會想自己個仔娶外國人。因為佢地思想真係好排外,除非個仔又或父母係外國讀書,又或個仔條件好差搵唔到韓國女朋友,思想先會開放d。

13.可能都係因為大男人的關係,韓男成日覺得自己係最勁,見識最多,而你係一定係蠢過佢。所以,佢地不容易會聽別人的意見。

14.好多韓國人,到三十幾四十歲都未去過外國旅行的,國際視野比香港人窄。

15.由於在韓國,讀大學及買車,都是大部份人都做到的事,如果那男人,冇讀過大學又買唔起車,咁即係佢係社會上的少數,要考慮搏唔搏得過。這樣並不是拜金,而是,讀大學同有車,對於在韓國社會上生存真係好必需,佢連自己都搞唔掂的話點會理到你?

-完-

想找韓國,以上是大家需要有心理準備去面對的文化差異。並不是個個都係玄彬宋承憲東方神起同super junior 呢~haha~不過阿妙相信,只要有夢想,凡事可成真,好男人還是有很多的啊~

(另,由於之前有位港韓混血韓男睇完我d文章大發雷霆,用韓文粗口問候我,所以阿妙在此亦要強調,此乃我個人的所見所聞及小小意見,志在提醒女士們小心交友為上。不喜勿插,感謝啊!)

p3598394a932298339
韓劇講o個d高大威猛情深款款男主角……都係呃人架…嗚嗚…ㅠㅠ

 

歡迎瀏覽阿妙的Facebook「阿妙韓國食記」,每日update啊!!