尋訪滋味行美食．品嚐鐘路三街小巷具50年經驗찬양집CANYANG家傳統「海鮮刀削麵」

NIC一向都係「TASTY ROAD滋味行」既小FANS!!!!!!每次睇到秀珍&成恩介紹既美食都會流晒口水!!!!!
不過好多時~佢地介紹既店舖都唔係間間都咁易搵到，就好似今次我想去試下既呢間位於鐘路三街的「찬양집CANYANG家」麵店，有成50年歷史架喇~佢既「海鮮刀削麵」係傳統口味！

如果唔係我今次咁啱行過呢條巷，見到佢地張POSTER，我都唔知間隱世美食原來藏身於此！XDXD

今次我發達喇~係佢地既親筆簽名啊!!!!!!

其實之前我都經過鐘路區好多次架喇，但真係完全無留意到呢間舖，原來「찬양집CANYANG家」就係呢條小巷入啦。
你話……普通遊客點會無喇喇走入去？XDXD

行入小巷…沿斜路行落去30秒都唔駛就會見到呢個易拉架啦~

YO~~搵到佢喇~門口位置真係好低調，好彩見到張POSTER，如果唔係我真係行過左都唔知！

行入去時，先發現呢間食店大多數都係本地人幫襯為主！原來刀削麵咁受大叔歡迎架XDXD我在LUNCH時間去……都真係幾多人。最初仲諗緊死喇~無位~都唔知要等幾耐。好彩除左前舖之外，原來後面仲有後座！

我同邪留丸二話不說行入去霸返個好位先！

見到牆上D簽名就知勁多名人明星都有黎食過！
真係好興奮啊！

一坐底當然係要去夾KIMCHI啦！之前在節目時，秀珍大讚佢地醃既KIMCHI好味到不得了！我地當然要親身試啦！店主供應兩款不同口味俾食客任夾任食，一款辣一款唔辣，隨自己口味揀！如果你問我邊種好食D~個人喜好問題~辣既真係好惹味~酸&辣味道真係剛剛好，唔會好咸而且爽脆，秀珍果然無介紹錯！不過唔辣既其實都好好食，食落口時味道會再酸多少少，就咁空口食都幾開胃呢！

咁好味既泡菜，全由店舖既大嬸親手醃製，真係好有風味！如果可以偷師就好啦……

講左咁耐，主角終於上場啦！
嘩~超大碗啊～價錢係5500WON一碗，一D都唔貴！(不過前年好似係賣開3000WON架，睇黎經滋味行介紹之後，就馬上漲價喇……)

有別於一般紅卜卜既海鮮湯麵XDXD屬於清湯底～真係好清甜～一D都唔腥！
咩調味料都唔駛再落…都好夠味道。唔知點解飲落口時，有種似曾相識既感覺～可能係蝦米既關係，飲落口真係有少少「蝦米粉絲煲」既味道XDXD

等我睇下D海鮮先！原來收埋在個碗底到WOR~係貝類海鮮呢～有好多蜆啊、青口啊……

提提大家，食之前記得自己去拎多個膠兜仔，用來裝自己D殼！因為一碗都真係有好多海鮮，唔用個兜裝…執起上黎都幾麻煩。

至於d 麵呢~我都覺得幾彈牙煙韌，配合個海鮮清湯…即使咁大碗唔覺唔覺都KO晒！哈哈！

食完之後，真係好滿足啊！
老實講~黎韓國食野~好多時都係食埋d熱氣野多，唔係炸、就係燒為主，辣既濃味亦居多，想食海鮮咩?!咩九層塔、乜乜鍋…尤其在海鮮市場食仲更加昂貴。
但在찬양집CANYANG家竟然食到既平又好味既「海鮮刀削麵」，真係好難得！雖然比較平民化D~不過去旅行時唔駛下下食到咁豪華，不妨去試下地道風味啦！

HOW TO GO!!

찬양집CANYANG家
地址:서울시 종로구돈의동 27 / 首爾市 鐘路區 敦義洞28
交通:地鐵1，3，5號線鐘路3街，6號出口行5分鐘或4號出口行3分鐘
營業時間:11:00~20:30(星期日休息)