不敵當兵期分隔兩地？李敏鎬、秀智確定已分手

曾經同全智賢一齊拍《藍海傳說》嘅李敏鎬，同《當你沉睡時》公認嘅「國民初戀」秀智喺圈中係公認嘅登對情侶，但今日就有韓媒有報道指，最近兩人已分手，秀智所屬的JYP事務所其後承認消息，消息嚟得咁突然，唔少粉絲都覺得好可惜！

自從李敏鎬同秀智喺2015年3月公開拍拖之後，多次傳出分手消息，但今年就有報道指二人大搞周年派對，慶祝拍拖兩周年，依然好甜蜜，其後，李敏鎬喺5月以公益兵身分服兵役，而秀智就繼續佢嘅演藝事業，雖然二人未有不過未有透露分手原因，但唔少粉絲都猜測會唔會係因為分隔兩地、各有各忙嘅原因。

雖然二人已經分手，但都仲係朋友，希望各位愛佢哋嘅粉絲繼續支持佢哋，期待佢哋之後喺演藝事業上再有新突破啦～

圖片來源：TV Daily