粉絲必去！韓國「阿森一族」主題餐廳登場

細細個打開電視，第一時間一定係轉去英文頻道睇「阿森一族」，雖然唔明佢講乜，但見到呢隻黃色嘅傢伙，就會忍唔住大呼：好可愛啊～（冷靜啲先）想進一步貼近佢哋嘅世界，機會嚟喇！喺韓國首爾弘大就開咗一間「老莫酒吧」，幾乎百分百還原卡通中嘅場景，唔知會唔會撞到老豆荷馬呢？

估唔到呢套美國嘅卡通，紅到去韓國都為佢開一間主題餐館，仲好多韓國女仔去潮聖打卡，瘋狂影相放上IG，睇到啲相真係又羡慕又妒忌呀！即刻執行李先～

咦......點解怪怪地嘅？

呢間還原度超高嘅「老莫酒吧」（Moe’s Tavern），比起卡通裡嘅老舊外觀，裝修更明亮可愛，有對比嘅顏色配搭充滿美式風情，喺度悠閑過一個下午應該都幾舒服～

話明要還原，又點少得呢張荷馬成日同巴尼、倫尼一齊打嘅桌球枱呢？

除咗裝修跟足卡通，餐館內每個角落都擺滿咗Simpsons嘅精品，隨時睇到唔捨得走。

當然唔少得荷馬最鍾意飲嘅Duff啤酒啦～好想同荷馬對飲一杯呢！

呢到嘅食物都唔馬虎，（帥哥）店主落足心思設計，值得一試！

「Choori’s Tavern」

CHOORI'S TAVERN （츄리스 터번）

地址：首爾麻浦區延南洞568-21

影片來源：GIPHY、annie.shm @Instagram

圖片來源：chooris.tavern、b__all、aga_eun_、cheatingday18、cho.fame、ddoo.beeeen、mayuk_luvsic、sspring_ffield、chungyohan  @Instagram