【大勢男神都是釜山人】嚟緊旅行你識揀啦！

年尾喇！要清假是不是？仲未諗到去邊的話，不妨考慮下釜山這個「好地方」。之所以話佢好，皆因該處專出「王子」囉！不是在說甘川洞那個「小王子」，而是「真.王子」！不信，依家就話過你知！話唔定隨街都俾你撞到個！
孔劉（孔侑）

呢期最紅仲唔係佢？！不單止《屍殺列車》大收旺場，另一套題材沉重的《密探》亦即將在香港上映，睇怕孔侑（小編叫慣嘅！）唔使再做「咖啡王子」，叫「釜山王子」都不為過呀！

姜河那

前陣子低調訪港的姜河那，演得唱得又睇得，仲要成日掛住個燦爛笑容係咀邊，同喺《步步驚心：麗》裡面愈來愈陰沉的八王子反差確係大，令人難以捉摸更吸引！

南柱赫

喺《步步驚心：麗》裡面滿腹詩詞歌賦的十三王子，文質彬彬真係幾引死人，至於現實呢，唔使講咁多，188cm嘅身高都殺你一個措手不及啦！

李準基

嘩！一套《步步驚心：麗》裡面就有三位王子上榜，邊個夠膽話釜山唔係王子多！而且飾演四王子的李準基仲係男主角添，說服力嚟個雙倍啦！

朴海鎮

雖然《奶酪陷阱》都完咗一陣子，不過仍然無損「劉正學長」的人氣，接下來的新劇仲有機會同宋仲基合作添！