怕內臟的人挑戰新沙洞炒腸

我本身唔食內臟,韓國 곱창 (小腸) 向來受到不少經常韓遊朋友稱讚,係咁遊說我要試,雖然好美味,尤其好似我咁本身唔食內臟嘅人,如果冇口碑推介真不能亂試,因我都領過野,例如有少少怪味 (心理形住係果D野),怪口感 (望到腸內有疑似唔應該出現嘅物體), 除非真係煮得好出色,先可以消除個人對「腸」先入為主嘅不良感覺。

有次朋友帶左去一間 叫 일도씨곱창 嘅餐廳,位於名街林 蔭道 가로수길 隔離再隔離一條小路上,單睇外觀其貌不揚內裡裝修簡單,全店只得十零張枱,但晚飯時間去到見門外要排隊等位,已經知係好野,韓國餐廳太多,平時好少何見要排隊嘅餐廳,排得多數冇死。

DOOR 20140813_204508_HDR

通常舖店員都係阿豬媽,不過呢間個個職員都係後生仔後生女,男店員身型樣貌都唔錯,所以顧客亦多數係年輕男女。

20140813_204514_HDR

呢度除左곱창,仲有炒辣雞달갈비,仲可以加配料血腸、芝士、年糕、磨菇、甜薯、粉絲、拉面等等一齊炒。因在門口等左一輪,入到去時已餓鬼一樣,無奈D伴菜酸酸地愈食愈肚餓 =_=

最初放晒D料落去時都幾多汁下,店員間唔時過黎幫你撩兩撩D腸,終於等到D腸半熟,D汁開始收水,但距離隔離枱完全收水狀似乎仲有漫長道路,望住有得睇冇得食好痛苦,心急嘅港人梗係會忍唔住自己炒兩炒希望快D有得食,此時男店員即刻撲過黎阻止我地自己炒,嘰哩咕咯一輪話我地手勢唔正確,會炒得難食唔好搞亂檔,堅持由佢地自己炒。而見佢炒嘅手法的確好似亂中帶點步驟,令每舊肉都均云被染成橙色,唔係亂咁兜。臨尾將所有肉同菜堆埋o係中間,熄火, 禮成! 由最初一大鑊野炒到最尾得番一隻碟咁上下份量,擺到靚靚咁,充滿藝術感,即時諗起 isaac早餐店阿豬媽整三文治果個認真嘅過程。

20140813_203406_HDR 20140813_204235_HDR 20140813_204820_HDR

經歷漫長等待後終於有得食,D腸因為被剪成一塊塊,已經唔係原本腸咁圓桶形,好在望落個樣已經腸不成腸,先令我呢D向來鄙視內贓嘅人放下戒心。腸肉每個位置都黐滿辣汁,遞埋咀邊時,完全聞唔到不良氣味,已衝破心理關口,咬落,咦? 我係咪咬緊腸架????? 有d爽口,我以為自己食緊西蘭花炒花枝片果d花枝片嘅口感。炒野配上芝麻葉甘香味特別夾,辣道比普通辣再多少少,但又剛剛好未到好辣果個程度,原來可以咁好食...........呢間值得推介。
除左可以就咁食,仲可以用菜葉包,或者用圓形果塊酸蘿蔔包住黎食都好好味 (尤其是唔食得辣人士可以酸蘿蔔減底辣味)

20140813_205013_HDR

食到咁上下,放埋血腸순대落去一齊炒

20140813_205158_HDR

食到尾,韓人習慣唔好浪費黐o係鑊度果少少汁,加個白飯紫菜韮菜落去炒埋佢,白飯盡吸所有精華。

20140813_211249_HDR

由於一枱只得一爐,冇得炒辣雞,所以店員預先替我們炒好用碟上,醬汁好味但d雞肉有點雪藏味,還是去番正宗炒辣雞舖會好食d。

20140813_205125_HDR

我地一行4人有男有女,4人當中仲要有兩人屬大食人士 (我係其中一個 >__< ),最尾大家都食到腹大便便,結果太飽食唔晒D炒飯有剩。總叫左野菜2人份 (20000won),炒辣雞2人份 (20000won),血腸同粉絲做配料 (4500won),臨尾加兩個炒飯 (4000won),平均每人12000won,即係 $100有找,晚市喎............ 再次慨歎韓國食野真係好平..........

menu,位於江南區呢個物價高地方,食到飽飽 $100 有找好滿足

MENU

일도씨곱창
地址 : 江南區 561-9
서울 강남구 신사동 561-9
由新沙站8號出口,直行到 林蔭道 가로수길 轉入去,第一個街口轉右行條小斜路就到

MAP

======================================================

Nicole的韓流記事簿

https://www.facebook.com/kpopandkorea