[金手都有臭的時候]智孝首任美妝主持 竟然示範如何弄斷唇膏?

截圖來源:VIU.COM

《Running Man》嘅粉絲最近心情應該好跌盪吧!Anyway,有得繼續睇都係好事!但其實同時間自言唔識化妝的智孝已經衝出咗框框,去主持美妝節目,唔知大家有冇睇呢!第一集咋,智孝就示範咗如何弄斷唇膏喇!金手都有臭的時候。不過,節目內容實用性非常高,依家就嚟綜合一下裡面講嘅韓妝潮流先!

 

 

一向覺得韓女對皮膚瑕疵的接受程度係零,點不知原來依家人哋興緊「紋光」妝,即是不但保持臉上的細紋,仲會在上面加掃光影令其閃閃發光,特別是眼周的C區,變成「高級皮膚的細紋」。將瑕疵變成潮流,呢個態度我鍾意!

 

 

節目中大講玫瑰妝,當中就有提到「MLBB」呢個字,即係話唇膏色同原生唇色接近,好睇得嚟又非常自然。其實MLBB並非新Terms,但就由裸色轉咗去要玫瑰紅色喇!

 

 

原來韓女的底妝係有小秘密!就係上粉時要先用粉底掃,再用海綿在上面按壓,避免對皮膚造成壓力兼且令底妝更貼服,皮膚同底妝自然Keep得靚。