皮膚dry到核爆的空姐恩物

text_ 花邊空姐

其實呢……做空姐真係好dry,好dry架!!!(I mean皮膚)
本身生活在沙漠地帶,已經夠dry到核爆,但在三萬五千呎高空的飛機就真係dry上加dry。

以下資料來自一項美國研究:
對於我們這些凡人來說,最適宜的相對濕度是60%—70%,在沙漠裏,相對濕度為30%;(低咗一半)而飛機上的僅有15%—20%。(再創新低!只有四分之一)
所以平時搭飛機時,皮膚好易出現缺水同出油嘅現象。(不過更灰的是,就算住在濕度高的城市,但每日長期在室入嘆冷氣,皮膚都一樣係被冷氣抽走晒水份。)
有時做長途機,飛到半途,拎塊照妖鏡照下自己個衰樣時,望到鏡入面嘅自己塊面乾到出油,而且仲油過條油炸鬼,真係咩自戀mood都破滅晒!

可能,我真係dry到連地球另一個角落嘅人都知道我dry。早幾星期,就收到韓國美容品牌送來的皮膚補品<高效特強保濕導入面膜>同<高效特強保濕霜>。嘩!真係一聽件產品個名就知佢係專門for一些皮膚成日乾到出面油嘅人用啦!例如我(舉手)!

呢個牌子係由多位首爾大學頂尖醫學美容博士共同創立,所有產品都經過皮膚科醫生測試,絕對安全可靠。

咁我亦都順便講少少上到飛機可以點保養皮膚(唔理你是男是女,或者唔男唔女都岩用)的心得:
1) 飲多些水 (好基本但好重要)
2) 塗上強效的保濕產品 (記住,高空上嘅水份只有15%-20%,仲乾過撒哈拉沙漠!你唔用強勁啲嘅產品,係唔work架!!!我已經試緊的高效特強保濕霜)
3) 最好就唔好化妝(唉!如果唔係因為工作需要,我都唔會將自己化到好似去做粵劇咁嘅妝返工)
4) 如果要敷紙面膜,最好就飛之前敷,或是飛完先至敷。(我知道實有人以為在飛機上敷紙面膜就可以好保濕。但其實,你咁樣除咗樣衰到畀人笑到面黃之外,最大問題係飛機太乾,乾到你塊面膜嘅水分好快被抽乾,分分鐘加速抽乾埋你面上嘅水分,所以那片高效特強保濕導入面膜,我會選擇平飛前/飛後/平日用)

MEDI

呢個特強保濕系列嘅產品最大嘅selling point係,佢獨有天然保濕因子(簡稱為N.M.F) ,係由深層海洋水礦物質、金縷梅、大馬士革玫瑰水等多種保濕成份(好足料呀!!!)提煉而成嘅高濃度保濕精華霜。

如果你嘅皮膚屬於乾性,或是好似我咁,因為環境因素影響(室內冷氣抽乾皮膚水氣/搭飛機)而令皮膚乾到出油,不妨一試呢件強勁嘅保濕產品(高效特強保濕霜 同埋 高效特強保濕導入面膜),balance肌膚油水嘅平衡,仲可以改善毛孔問題。

雖然我唔係咩美容達人,又唔係咩皮膚科專家,但飛到某一個階段,皮膚退化到去某個低潮位,你會真的會接受去試好多唔同嘅產品,就算唔能夠令自己反老還童,起碼都要見到自己嘅皮膚有少少改善,唔好再乾過撒哈拉沙漠、油過油炸鬼。(不過如果市面上有產品sell佢可以幫你反老還童,都應該係一個伏!)